Elektrisk

Kvar leiligheit har hovudsikring som er plassert på tavlerommet. Ved oppgradering av sikringsskap i eiga leiligheit vil det vere behov for å skru av sikringa nede i tavlerommet.

Kvar oppgang har eige tavlerom nede i kjellaren, utanom 1A og 1B. Hovudsikringane tilhøyrande leiligheitene i 1A og 1B ligg i 1C.

Hovudsikringar tilhøyrande 1C er fordelt på tavleromma i 1C og 1D.

Det er standard OLU-sylindre til tavleromma. Dette er same standard-nøklar som elektrikarar har i området.

Rør

Rør i bærande vegger (alle murvegger i leiligheita) tilhøyre burettslaget. Det er burettslaget som har ansvar for vedlikehald av desse.

Dette inkludera også sluken på badegulvet. Ved oppussing av bad må sluken oppgraderast (om den er gamal). Burettslaget dekker kostnader ved oppgradering av sluk.

Det er burettslaget sjølv som gjer avtale med rørleggar om byte av sluk, slik at faktura går direkte til burettslaget for dette arbeidet. Be rørleggar om å kontakte oss. Kontaktinformasjon finn ein her kontakt

Tilbakeslagsventil

Det er krav til installering av tilbakeslagsventil i alle blandebatteri. Dette er for å hindre at kaldt vatn kjem i omløp med det varme, og slik bidreg til lunka vatn i leiligheitene.