Burettslaget har sentralfyr. Kvar leiligheit har radiatorar ved vindauga. Mindre leiligheiter har ein viftekonvektor (ser ut som varmepumpe) i stua i staden for radiatorar. Radiatorar og viftekonvektorar er  burettslagets eigendom.

Vedlikehald av viftekonvektor/varmepumpe er bebuar sitt ansvar. Dette inneberer å tørke av støv. På viftekonvektor kan ein ta ut øverste lag for å tørke av støvet. Det er svært viktig at dette blir gjort på viftekonvektoren månadleg. Om ikkje vil motor kunne bli øydelagd. Dette har vi erfaring på. Om noko slikt skulle skje må bebuar varsle styret slik at ny kan bli installert. Kostnaden må bebuar sjølv ta.

Service på viftekonvektoren vil bli gjort annakvart år frå 2022. Burettslaget varslar dei det gjeld om dato 1-2 veker før. Det er rørleggar som gjennomførar servicen.

Oppvarming er ein relativt låg kostnad for burettslaget grunna oppgradering i 2013 og etterisolering av begge blokkene.

Radiatorar og viftekonvektor er burettslagets eigendom. Eventuelle endringar på radiator/viftekonvektor skal gjerast av profesjonelle. Det er ikkje lov til å fjerne radiatorar (som til dømes for å male bak) utan profesjonell hjelp (rørleggar). Om ein ynskjer å ta av radiatorar midlertidig frå veggen, må ein tømme radiatorane for vatn. Då må ein varsle varsle styret, slik at vi kan sørge for at vasstrykket på anlegget er korrekt, då tømming av radiatorar kan påverke trykket for alle andre.

Det er ikkje lov til å kople til anna varmeanlegg på dette anlegget.

Kontaktinformasjon til styret finn ein her: kontakt

Kjende utfordringar:

Luft i radiator – Nokon gongar oppstår det luft i radiatoren som gjer til at det varme vatnet ikkje får fylle heile radiatoren. Då får ein lågare effekt og kan oppleve at radiatoren er kald. Ein vil høyre susing frå radiatoren om dette er tilfelle, i tillegg til at omnen er kald. Ta kontakt på e-post bergum@mittbob.no om du opplev dette.